LISTADO «AXUDA REACTIVA II»

No día de hoxe, procedeuse a publicación da listaxe provisional de admitidos e excluidos Reactiva II.

As empresas que aparezcan na listaxe como excluidas, teñen 5 días hábiles para presentar a documentación requerida ou para alegar o que consideren pertinente.

A listaxe está publicada no taboleiro de anuncios da sede electrónica do concello e, na páxina web do concello.

O prazo e presentación de documentación comeza a partir do día seguiente ó da publicación, e finaliza o próximo venres, día 24 de setembro. Polo que, toda a documentación enviada fora de prazo, tanto con data de hoxe, como de data posterior ao 24 de setembro, non será válida.

Así mesmo, detectaron un erro de transcripción no Motivo de exclusión 5 e 6. 

Onde dí: Falta informe de vida Laboral de Empresa expedido pola tesourería Xeral da Seguridade  Social a data 07/11/2021” deber decir 07/11/2020 (tal e como se recollen na Base 7ª.2.).

III PLAN DE RESCATE DAS PERSOAS TRABALLADORAS AUTÓNOMAS, PROFESIONAIS E EMPRESAS PARTICULARMENTE AFECTADAS POLA CRISE DA COVID-19 MEDIANTE AXUDAS DIRECTAS PARA O APOIO Á SOLVENCIA E REDUCIÓN DO ENDEBEDAMENTO DO SECTOR PRIVADO. (TR600A) (TR600B) (TR600C).

Disposicións xerais

Obxecto

Este III Plan de rescate consta de tres programas:

– Programa I de apoio ás persoas traballadoras autónomas en estimación obxectiva (TR600A).

– Programa II de apoio ás persoas traballadoras autónomas individuais e persoas traballadoras autónomas ou empresas con ata 10 persoas traballadoras, ou de ata 25 persoas traballadoras cun volume de facturación de ata 2 mill de € (TR600B).

– Programa III de apoio ás persoas traballadoras autónomas ou empresas con máis de 10 persoas traballadoras e cun volume de facturación de máis de 2 millóns de euros, ou empresas de máis de 25 persoas traballadoras (TR600C).

Estas axudas directas deberán aplicarse a satisfacer a débeda e realizar pagamentos a provedores e outros acredores, financeiros e non financeiros, así como os custos fixos en que se incorrese, sempre e cando estes fosen devindicados entre o 1 de marzo de 2020 e 31 de maio de 2021 e procedan de contratos anteriores á 12 de marzo. En primeiro lugar, satisfaranse os pagamentos a provedores, por orde de antigüidade e, se procede, reducirase o nominal da débeda bancaria, primando a redución da débeda con aval público.

Persoas beneficiarias

Poderán ser beneficiarios das axudas directas previstas nesta orde:

a) As persoas traballadoras autónomas, empresarias ou profesionais que apliquen o réxime de estimación obxectiva e que exerzan unha actividade económica das incluídas no anexo I do Real decreto lei 5/2021, do 12 de marzo.

b) As persoas traballadoras autónomas, empresarias ou profesionais que apliquen o réxime de estimación obxectiva que exerzan unha actividade económica que non estean incluídas no anexo I do Real decreto lei 5/2021, do 12 de marzo, e teñan unha caída do volume de operacións anual, declarado ou comprobado, dun 40 %, ou máis, no ano 2020 respecto do ano 2019.

c) Todas aquelas persoas traballadoras autónomas, profesionais, empresas e entidades que exerzan unha actividade económica das incluídas no anexo I do Real decreto lei 5/2021, do 12 de marzo, que teñan unha caída do volume de operacións anual declarado ou comprobado pola Administración, no imposto sobre o valor engadido ou tributo indirecto equivalente de máis dun 30 % no ano 2020 respecto do ano 2019.

d) Todas aquelas persoas traballadoras autónomas, profesionais, empresas e entidades que exerzan unha actividade económica que non estea incluídas no anexo I do Real decreto lei 5/2021, do 12 de marzo, cuxa caída do volume de operacións anual declarado ou comprobado pola Administración, no IVE ou tributo indirecto equivalente sexa dun 40 % ou máis comparando o ano 2020 co ano 2019.

e) Así mesmo, poderán ser beneficiarias as persoas traballadoras autónomas de tempada, sempre que acrediten que continúan coa súa actividade, aínda que non estean de alta no momento de presentación da solicitude e estean de alta un mínimo de 4 meses e un máximo de 9 meses nalgún dos anos 2019 ou 2020.

f) Poderán seren beneficiarias as persoas traballadoras autónomas e empresas dadas de alta ou creadas entre o 1 de xaneiro de 2019 e o 31 de marzo de 2020 e empresas que teñan realizado unha modificación estrutural da sociedade mercantil entre o 1 de xaneiro de 2019 e o 31 de decembro de 2020.

Non terán a condición de beneficiarias, quedando excluídas do ámbito de aplicación desta orde:
a) As persoas traballadoras autónomas colaboradoras ou societarias.
b) As empresas financeiras.

c) As empresas en crise, salvo nos supostos a que se refiren os arts. 3.2 e 10.3 desta orde.

d) Os comuneiros, herdeiros ou partícipes de sociedades civís. Neste caso a beneficiaria directa da axuda será a entidade solicitante.

e) As persoas traballadoras autónomas, entidades e grupos consolidados que na declaración do imposto sobre a renda de persoas físicas correspondente a 2019 teñan declarado un resultado neto negativo polas actividades económicas en que se tiver aplicado o método de estimación directa para a súa determinación ou, se for o caso, teñan un resultado negativo no dito exercicio na base impoñible do imposto de sociedades ou do imposto da renda de non residentes antes da aplicación da reserva de capitalización e compensación das bases impoñibles negativas.

Requisitos das persoas beneficiarias
As persoas beneficiarias establecidas no artigo anterior deberán cumprir, no momento de presentación da solicitude, os seguintes requisitos:

a) Ter o domicilio fiscal en Galicia.

b) Ter cantidades pendentes de pagamento a provedores, acredores, financeiros e non financeiros ou débeda bancaria, ou outros custos fixos que fosen devindicados entre o 1 de marzo de 2020 e o 31 de maio de 2021, e procedan de contratos anteriores ao 13 de marzo de 2021, e que as ditas cantidades sexan de importe igual ou superior á axuda solicitada.

c) Non ter sido condenado mediante sentenza firme á pena de perda da posibilidade de obter subvencións ou axudas públicas ou por delitos de prevaricación, suborno, malversación de caudais públicos, tráfico de influencia, fraudes e exaccións ilegais ou delitos urbanísticos.

d) Non ter dado lugar, por causa de que fose declarada culpable, á resolución firme de calquera contrato celebrado coa Administración.

e) Atoparse ao día no pagamento de obrigas por reintegro de subvención ou axudas públicas.
f) Atoparse ao día no cumprimento das obrigas tributarias e fronte a Seguridade Social.
g) Non ter solicitado declaración de concurso voluntario, non ter sido declarados insolventes en calquera procedemento e non atoparse en declaración de concurso, salvo que neste teña adquirido eficacia un convenio, non estar suxeitos a intervención xudicial nin ter sido inhabilitados conforme a Lei 22/2003, do 9 de xullo, concursal, sen que teña concluído o período de inhabilitación fixado na sentenza de cualificación do concurso. 
h) Non ter residencia fiscal nun país ou territorio cualificado regulamentariamente como paraíso fiscal.
i) Autorizar a Consellería de Emprego e Igualdade a cesión dos seus datos ao Ministerio de Facenda.

Prazo de presentación de solicitudes
O prazo de presentación de solicitudes será desde o día 14 de xuño ata o 14 de xullo de 2021, ambos inclusive.

Solicitudes

As solicitudes presentaranse obrigatoriamente por medios electrónicos a través dos formularios normalizados dispoñibles como anexo I (Persoas traballadoras autónomas en réxime de estimación obxectiva), anexo II (De apoio ás persoas traballadoras autónomas, empresas de dez persoas traballadoras ou menos e empresas de ata 25 persoas traballadoras cun volume de facturación de ata 2 millóns de euros) e anexo III (Persoas traballadoras autónomas, empresas con máis de dez persoas traballadoras e cun volume de facturación de más de 2 millóns de euros, e empresas de máis de vinte cinco persoas traballadoras) segundo o procedemento correspondente na sede electrónica da Xunta de Galicia https://sede.xunta.gal

Documentación que se presenta ou xa presentada con anterioridade

As persoas interesadas deberán achegar coa solicitude a seguinte documentación:
a) Cando se actúe mediante representación deberá achegarse o modelo de representación segundo o modelo normalizado da sede electrónica asinado dixitalmente ou calquera outro válido en dereito. 

b) No caso de persoas traballadoras autónomas e empresas que desenvolvan unha actividade económica non incluída no anexo I do Real decreto 5/2021- cos códigos da Clasificación nacional de actividades económicas (CNAE), deberá achegar coa solicitude, segundo o caso, a seguinte documentación:

– Modelo 390 dos anos 2019 e 2020 (declaración anual do IVE).

– Modelo 303 dos anos 2019 e 2020 (declaración trimestral do IVE).
– Modelo 130 IV trimestre dos anos 2019 e 2020 (declaración trimestral IRPF).
– Modelo 131 dos anos 2019 e 2020.
– Modelo 111 (Retención IRPF nóminas das persoas traballadoras).
– Modelo 190 (Remesa anual de retencións e ingresos á conta).
– Modelo 322 IVA para o caso de grupos, anos 2019 e 2020.
– Modelo 184 para entidades en réxime de atribución de rendas, exercicios 2019 e 2020.
– Modelo 100 do ano 2019.
– Modelo 200 do año 2019 e 220 para o caso de grupos.
– Modelo 202 Pagamentos fraccionados 2019 e 2020.
– Modelo 222 Pagamentos fraccionados 2019 e 2020 para o caso de grupos.
– Outros documentos.

c) No caso de ter resultado negativo no exercicio 2019, e para acreditar a solvencia económica, deberá presentar o imposto de sociedades do ano 2019 ou, de ser o caso, o imposto do IRPF dos anos 2017 e 2018.
d) Certificado de alta na mutua correspondente, se ser o caso.

Compromisos das persoas ou entidades beneficiarias
As persoas beneficiarias das axudas, comprométense a:
a) Manter a actividade ata o 30 de xuño de 2022.
b) Non repartir dividendos durante os anos 2021 e 2022.
c) Non aprobar incrementos nas retribucións da alta dirección durante un período de 2 anos.

Para comprobación do cumprimento do compromiso establecido na línea c), a persoa beneficiaria deberá achegar a certificación correspondente.

A documentación xustificativa a que se refiren os números anteriores deberá achegarse antes do 30 de decembro de 2022.

Incompatibilidades e concorrencia
As axudas desta orde reguladas nos distintos programas son incompatibles entre si e pódese ser beneficiario dun só dos programas.

Forma de pagamento e xustificación

Resolta a concesión da axuda, procederase ao pagamento, con carácter anticipado, do 100 % da axuda, no número de conta indicado na solicitude.

A persoa beneficiaria deberá xustificar, telematicamente, no prazo máximo de 3 meses desde a recepción da axuda, a aplicación desta a satisfacer a débeda e a realizar os pagamentos a provedores e outros acredores financeiros e non financeiros, así como os custos fixos en que se incorreu, nos termos establecidos na letra a) do artigo 20 desta orde. 

A conta xustificativa simplificada presentarase no modelo do anexo IV, que incluirá:

Memoria do cumprimento das condicións da axuda, establecidas na letra a) do artigo 20.

– Unha relación clasificada dos gastos da actividade, con identificación do acredor e da factura, o seu importe, data de emisión e data de pagamento, que deberá efectuarse mediante transferencia ou ingreso bancario. Cando as facturas e obrigacións de pagamento sexan posteriores ao 13 de marzo de 2021 deberá indicarse tamén a data do contrato orixe dos gastos.

– Detalle doutros ingresos ou subvencións que financiaron a actividade da axuda, con indicación do importe e a súa procedencia. 
– Se for o caso, carta de pagamento de reintegro no suposto de remanentes non aplicados, así como os intereses derivados deles.

Programa I. De apoio as persoas traballadoras autónomas en estimación obxectiva (código de procedemento TR600A)

Obxecto do Programa I e gastos subvencionables
Persoas traballadoras autónomas en réxime de estimación obxectiva.

Serán subvencionables os gastos realizados para:

– O pagamento da débeda a provedores e outros acredores, financeiros e non financeiros.
– O pagamento da débeda dos custos fixos en que se incorreu.

Os pagamentos a que se refire o punto anterior deberán cumprir os seguintes requisitos:

a) Proceder de compromisos contractuais anteriores ao 13 de marzo de 2021.
b) A obriga de pagamento debe ter nacido entre o 1 de marzo do 2020 e o 31 de maio de 2021.
c) Os pagamentos deben estar pendentes na data da presentación da solicitude. Xustificaranse coa data que se sinale no contrato de referencia e/ou factura correspondente.

Persoas beneficiarias

As persoas traballadoras autónomas de alta no RETA ou no réxime de traballadores do mar como persoas traballadoras por conta propia e profesionais (de ser o caso, mutualistas) en réxime de estimación obxectiva que teñan o domicilio fiscal en Galicia e cumpran os seguintes requisitos:

Desenvolver unha actividade económica correspondente a un CNAE do anexo I

No caso de desenvolver una actividade económica nun CNAE non incluído no anexo I, deberá acreditar unha caída de volume de operacións anual declarado ou comprobado pola Administración, no IVE ou tributo indirecto equivalente dun 40 % ou máis comparando o ano 2020 co ano 2019.

Importe das axudas
A axuda concederase por un importe máximo de 3.000 euros cando se trate de empresarios ou profesionais que apliquen no réxime de estimación obxectiva no imposto da renda das persoas físicas no ano 2019.
As cantidades pendentes de pagamento deberán ser de importe igual ou superior á axuda solicitada, de tal xeito que o importe da axuda nunca poderá ser superior a aquelas.
Para as persoas autónomas de tempada os importes da axuda serán do 50 %  das cantidades indicadas no punto anterior.

Solicitudes
As solicitudes presentaranse por medios electrónicos a través do formulario normalizado dispoñible como anexo I en https://sede.xunta.gal. 

Programa II. De apoio ás persoas traballadoras autónomas individuais e persoas traballadoras autónomas ou empresas con ata 10 persoas traballadoras, ou de ata 25 persoas traballadoras cun volume de facturación de ata 2 millóns de € (TR600B)

Obxecto do Programa II e gastos subvencionables
O obxecto deste programa é a concesión dunha axuda económica ás persoas traballadoras autónomas con dez ou menos persoas traballadoras ou empresas de ata vinte e cinco persoas traballadoras que teñan un volume de facturación de ata dous millóns de euros, no exercicio 2020.

Serán subvencionables os gastos realizados para:
– O pagamento da débeda a provedores e outros acredores, financeiros e non financeiros.
– O pagamento da débeda derivada dos custos fixos.

Os pagamentos a que se refire o punto anterior deberán cumprir os seguintes requisitos:
a) Proceder de compromisos contractuais anteriores ao 13 de marzo de 2021.
b) A obriga de pagamento debe ter nacido entre o 1 de marzo do 2020 e o 31 de maio de 2021.
c) Os pagamentos deben estar pendentes na data da presentación da solicitude.

Persoas beneficiarias

Poderán ser beneficiarias das axudas todas as persoas traballadoras autónomas de alta no RETA ou no réxime de traballadores do mar como persoas traballadoras por conta propia, os profesionais e empresas que cumpran os seguintes requisitos:

a) Que acrediten unha caída do volume de operacións, no ano 2020 respecto ao ano 2019 de mais dun 30 % para actividades incluídas no anexo I; ou ben que acrediten unha caída do volume de operacións, no ano 2020 respecto ao ano 2019, dun 40 % ou mais, para unha actividade económica que non se atope incluída no anexo I.

Importe das axudas

a) 6.000 euros se a caída do volume de operacións está entre máis dun 30 % e ata un 60 % .
b) 7.000 euros se a caída do volume de operacións é mais dun 60 % e menos dun 70 %.
c) 8.000 euros se a caída do volume de operacións é do 70 % ou máis. 

A dita cantidade incrementarase ata 3.000 € en función do número de persoas traballadoras por conta allea que teñan no momento da publicación da orde, segundo a escala seguinte:
a) 1.000 euros se teñen de 4 a 9 persoas traballadoras.
b) 2.000 euros se teñen de 10 a 20 persoas traballadoras.
c) 3.000 euros se teñen de 21 a 25 persoas traballadoras.

Para as persoas autónomas de tempada os importes da axuda serán o 50 % das cantidades indicadas no punto anterior.

Solicitudes
As solicitudes presentaranse por medios electrónicos a través do formulario normalizado dispoñible como anexo II en https://sede.xunta.gal. 

Programa III. De apoio ás persoas traballadoras autónomas ou empresas con máis de 10 persoas traballadoras, e cun volume de facturación de máis de 2 millóns de euros, ou empresas de máis de 25 persoas traballadoras (TR600C)

Obxecto do Programa III e gastos subvencionables

Persoas traballadoras autónomas con más de dez persoas traballadoras e cun volume de facturación e máis de 2.000.000 de euros no exercicio 2020, ou empresas con máis de vinte e cinco persoas traballadoras para o apoio á solvencia e redución do seu endebedamento.

Serán subvencionables os gastos realizados para:

– O pagamento da débeda a provedores e outros acredores, financeiros e non financeiros.
– O pagamento da débeda derivada dos custos fixos.

Os pagamentos a que se refire o punto anterior deberán cumprir os seguintes requisitos:
a) Proceder de compromisos contractuais anteriores ao 13 de marzo de  2021.
b) A obriga de pagamento debe ter nacido entre o 1 de marzo do 2020 e o 31 de maio de 2021.
c) Os pagamentos deben estar pendentes na data da presentación da solicitude.

Persoas beneficiarias

As persoas traballadoras autónomas de alta no RETA ou no réxime de traballadores do mar como persoas traballadoras por conta propia, os profesionais e empresas que reúnan as condicións establecidas no artigo anterior e que cumpran os seguintes requisitos:

a) Que acrediten unha caída do volume de operacións no ano 2020 respecto ao ano 2019 de mais dun 30 % para aquelas que desenvolvan unha actividade económica incluída no anexo I, ou ben que acrediten unha caída do volume de operacións no ano 2020 respecto ao ano 2019 dun 40 % ou mais, para aquelas que desenvolvan unha actividade económica que non se atope incluída no anexo I.

Importe das axudas

a) 10.000 euros se a caída do volume de operacións está entre mais dun 30 % e ata un 60 % .
b) 12.000 euros se a caída do volume de operacións é mais dun 60 % e menos dun 70 %.
c) 15.000 euros se a caída do volume de operacións é do 70 % ou máis.

A dita cantidade incrementarase ata 15.000 € en función do número de persoas traballadoras por conta allea que teñan no momento da publicación da orde, segundo a escala seguinte:
a) 5.000 euros se teñen de 26 a 50 persoas traballadoras.
b) 10.000 euros se teñen de 51 a 100 persoas traballadoras.
c) 15.000 euros se teñen máis de 100 persoas traballadoras.

Solicitudes
As solicitudes presentaranse obrigatoriamente por medios electrónicos a través do formulario normalizado dispoñible como anexo III en https://sede.xunta.gal.

ANEXO I DO REAL DECRETO LEI 5/2021 , DO 12 DE MARZO.

BASES «AXUDA REACTIVA II»

CONCORRENCIA

     A subvención é en réxime de concorrencia non competitiva, e dicir, terase en conta a orde temporal de entrada da solicitude ata terminar o crédito orzamentario destinado a esta finalidade.

PUBLICACIÓN

     Unha vez publicadas as bases reguladoras no BOPPO, posteriormente publicarase o extracto da convocatoria no BOPPO, cuxa publicación iniciará o prazo de presentación de solicitudes a partir do primeiro día hábil seguinte.

REQUISITOS

     Poderán solicitar a subvención previstas nas presentes Bases aquelas persoas físicas ou xurídicas, así como as comunidades de bens, sociedades civís ou outras entidades económicas sen personalidade xurídica legalmente constituídas que leven a cabo as actividades empresariais que motivan a concesión da subvención e que cumpran os seguintes requisitos:

1. Que se trate dunha actividade empresarial, excepto aquelas actividades incluídas no epígrafe CNAE 9200.

2. Que a actividade sexa desenvolvida por unha persoa física (traballador autónomo), unha micro empresa ou pequena empresa.

3. Que sufriran unha baixada de facturación igual ou superior o 30%, no último trimestre do ano 2020 con respecto ao mesmo periodo do ano 2019. No caso de non poder realizarse a comparativa anterior por tratarse dunha empresa creada no ano 2020, terase en conta o anterior trimestre do ano 2020 ou aquel de maior facturación aos efectos de acreditar este extremo.

4. Que teña o seu domicilio fiscal no termo municipal de Tui.

5. Que a actividade empresarial exérzase nun local comercial ou negocio, específico e aberto ao público, situado no termo municipal de Tui.

6. Que o suxeito solicitante estea exento do Imposto de Actividades Económicas no exercicio fiscal de 2020.

7. Que estea dado de alta no réxime da Seguridade Social ou na Mutua profesional correspondente e na Axencia Estatal de Administración Tributaria no momento da presentación da solicitude.

8. Que estea ao corrente no cumprimento das súas obrigacións tributarias coa AEAT, TXSS, ATRIGA e o Concello de Tui.

CRITERIOS E CUANTIA DA SUBVENCIÓN

     Establécese un límite máximo de subvención do 100% do total de gasto subvencionable cos límites seguintes por empresa/beneficiario:

•  Persoa traballadora autónoma sen traballadores a cargo: ata un máximo de 1.000 Euros.
• Autónomos e microempresas con ata 5 traballadores a cargo: ata un máximo 1.200 Euros.
• Autónomos e microempresas, con entre 6 e 10 traballadores a cargo: ata un máximo 1.500 Euros.

GASTOS SUBVENCIONABLES 

Liña 1: Gastos correntes

– Gastos de alugueiro do local ou instalación.

– Gastos de arrendamento de maquinaria e/ou vehículos.

– Servizos profesionais independentes; xestoría, asesoría e consultoría.

– Gastos de suministro de auga, luz, gas e teléfono.

– Primas de seguros; seguros de responsabilidade civil, seguros de accidentes. Vinculados co exercicio da actividade económica.

– Mantemento de comunicacións: teléfono, internet, correos, mensaxería.

Liña 2: Axudas para financiar inversión 

– Cotas de préstamos hipotecarios para compra do local comercial, (únicamente é subvencionable a amortización do capital financieiro).

– Axudas para financiar investimentos para acondicionamento de locais comerciais polos efectos do COVID-19 e para lograr espazos máis seguros.

– Compra de Equipos de purificación de aire con filtro HEPA

O periodo de imputación de gastos a esta subvención será dende o 07/11/2020 ata a data límite otourgada polo Concello de Tui para solicitar as axudas que rixen estas bases.

A solicitude poderá realizarse a unha soa liña ou as dúas, non debendo superar, en ningún caso a cantidade total que corresponda.

PRESENTACIÓN

As solicitudes para participar no presente procedemento haberán de presentarse no prazo de 15 días hábiles, a contar desde o día hábil seguinte á publicación do extracto no Boletín Oficial da Provincia de Pontevedra.

As solicitudes deberán formularse no MODELO DE SOLICITUDE NORMALIZADO, acompañado da DOCUMENTACIÓN COMPLEMENTARIA a través da sede electrónica de acceso ao Rexistro Electrónico do Concello de Tui.

Documentación para a presentación:

Solicitude (segundo modelo normalizado) que deberá estar asinada pola persoa interesada ou o seu representante legal e que inclua o esixido nas bases.

É obrigatorio presentar, no momento da solicitude, a xustificación dos gastos subvencionados e o resto da documentación esixida nestas bases.

Documentación complementaria (acompañando á solicitude):

En caso de persoa física:

a) DNI polas dúas caras ou NIE acompañado do pasaporte.
b) Certificado actualizado de Situación Censual Actualizado.
c) Resolución/certificación da alta no Réxime Especial de Traballadores Autónomos ou a Mutua profesional correspondente.
d) Informe de Vida Laboral da Empresa expedido pola Tesourería Xeral da Seguridade Social a data 07/11/2020.
e) Informe da media de traballadores da empresa expedido pola Tesourería Xeral da Seguridade Social a data 07/11/2020.
f) Documento acreditativo da titularidade da conta bancaria na que se deba facer o ingreso do importe da subvención e cuxo titular sexa o mesmo solicitante.
g) Facturas que acrediten os gastos imputados a esta convocatoria de axudas e os xustificantes bancarios do pagamento correspondentes.
h) Se o gasto subvencionado corresponde a alugueiro, terase que presentar o contrato de alugueiro do local e se corresponde a préstamo hipotecario o contrato do mésmo; ademais deberán presentar as facturas  correspondentes ao período subvencionable e xustificantes bancarios do seu pagamento.
No caso de préstamos hipotecarios, deberán presentar documentación no que se demostre a desagregación da amortización do capital financiero, dos intereses e/ou comisión bancarias.
i) Xustificante da redución igual ou superior ao 30% da facturación do cuarto trimestre do ano 2020.

A baixada de facturación acreditarase con calquera das seguintes modalidades:

1) Estimación directa: mediante a declaración de IVE anual (modelo 390) dos anos 2019 e 2020 ou declaracións trimestrais de IVE (modelos 303), declaración trimestral do IRPF (modelo 130) do IV trimestre do ano 2019 co IV trimestre do ano 2020.
2) No caso de que as persoas ou entidades solicitantes tributen no réxime de estimación obxectiva ou módulos, a diminución de facturación establecida no artigo 18 deberase acreditar coas copias, referidas aos períodos de comparación, do libro de facturas emitidas e recibidas, ou libro diario de ingresos e gastos, ou libro de rexistro de vendas e ingresos, ou o libro de
compras e gastos, ou calquera outra forma admitida en dereito para acreditar a diminución na facturación, como poden ser, entre outros e tendo en conta a actividade económica, a presentación de descenso de consumo de enerxía eléctrica, copia do rexistro de caixa ou cobros
e pagos por TPV, ou calquera outro medio, dos anos 2019 e 2020.

En caso de persoas xurídicas, sociedade civil, comunidade de bens ou outras entidades económicas sen personalidade xurídica:

a) CIF da persoa xurídica, sociedade civil, comunidade de bens ou outras entidades económicas sen personalidade xurídica.
b) Certificado actualizado de Situación Censual actualizado.
c) Escritura de constitución e os estatutos da persoa xurídica actualizados, inscritos no correspondente Rexistro. No seu caso, contrato de constitución da sociedade civil, comunidade de bens ou outras entidades económicas sen personalidade xurídica.
d) Acreditación de poderes da persoa administradora e da que presenta a solicitude en caso de non ser a mesma persoa.
e) DNI polas dúas caras ou NIE da persoa administradora e da persoa que presenta a solicitude en caso de non ser a mesma.
f) Informe de vida laboral actualizado, expedido pola Tesourería Xeral da Seguridade Social de todas as persoas autónomas adscritas á entidade solicitante.
g) Informe da media de traballadores da empresa emitido pola Tesourería Xeral da Seguridade Social a data 07/11/2020. En caso de non poder presentar este documento, habería que presentar a inexistencia de Código de Conta de Cotización da empresa.
h) Informe de Vida Laboral da Empresa expedido pola Tesouraría xeral da Seguridade Social no que se inclúa o número de traballadores a data de 1 de decembro de 2020. En caso de non ter informe de Vida Laboral da Empresa, o xustificante acreditativo de non posuílo.
i) Documento acreditativo da titularidade da conta bancaria na que se deba facer o ingreso do importe da subvención e cuxo titular sexa o mesmo solicitante.

j) Facturas que acrediten os gastos imputados a esta convocatoria de axudas e os xustificantes bancarios de pago correspondentes.
k) Se o gasto subvencionado corresponde a alugueiro, terase que presentar o contrato de alugueiro do local e se corresponde a préstamo hipotecario, o contrato do mésmo; ademais deberán presentar as facturas correspondentes ao período subvencionable e xustificantes bancarios do seu pagamento.
No caso de préstamos hipotecarios, deberán presentar documentación no que se demostre a desagregación da amortización do capital financiero, dos intereses e/ou comisión bancarias.
l) Xustificante da redución igual ou superior ó 30% da facturación do cuarto trimestre do ano 2020.

A baixada de facturación acreditarase con calquera das seguintes modalidades:
1) Estimación directa: mediante a declaración de IVE anual (modelo 390) dos anos 2019 e 2020 ou declaracións trimestrais de IVE (modelos 303), declaración trimestral do IRPF (modelo 130) do IV trimestre do ano 2019 co IV trimestre do ano 2020.
2) No caso de que as persoas ou entidades solicitantes tributen no réxime de estimación obxectiva ou módulos, a diminución de facturación establecida no artigo 18 deberase acreditar coas copias, referidas aos períodos de comparación, do libro de facturas emitidas e recibidas, ou libro diario de ingresos e gastos, ou libro de rexistro de vendas e ingresos, ou o libro de compras e gastos, ou calquera outra forma admitida en dereito para acreditar a diminución na facturación, como poden ser, entre outros e tendo en conta a actividade económica, a presentación de descenso de consumo de enerxía eléctrica, copia do rexistro de caixa ou cobros e pagos por TPV, ou calquera outro medio, dos anos 2019 e 2020.

Declaración responsable asinada pola persoa interesada ou representante legal ou apoderado da persoa ou entidade solicitante que conterá o pronunciamento expreso sobre as cuestións das bases.

PROCEDEMENTO DE RESOLUCIÓN

Recibidas as solicitudes, comprobarase que os solicitantes cumpren
coa totalidade dos requisitos establecidos e tamén coa documentación recollida nas bases reguladoras, tramitándose a súa concesión por estrito orde de rexistro de entrada (data e hora) das solicitudes completas e correctas. No caso de non presentar nunha solicitude a documentación completa, considerarase como data de Rexistro de Entrada a data e hora da última presentación relativa á devandita solicitude.

Unha vez analizadas todas as solicitudes, emitirase un listado provisional de Admitidos e Excluídos. Este listado publicarase para os efectos de notificación as persoas interesadas na páxina Web municipal e a través do taboleiro de anuncios electrónico do Concello, e contemplará o motivo da exclusión de cada unha das solicitudes non admitidas.

Unha vez que se publique este listado, as persoas ou entidades excluídas disporán dun prazo máximo de 5 días hábiles contados a partir do día seguinte ao da publicación, para que aleguen o que no seu dereito consideren oportuno, ou de ser o caso, emenden a súa solicitude e presenten a documentación requirida.

Trascorrido o prazo de presentación de alegacións, procederase a emitir listado definitivo de admitidos e excluídos desta convocatoria de axudas e á súa posterior publicación.

O prazo máximo para a resolución do procedemento será de seis meses, dende a data de finalización do prazo de presentación de solicitudes.

PAGO DAS AXUDAS

O pagamento destas subvencións realizarase nun pago único pola totalidade do importe concedido, mediante transferencia bancaria, a partir da data da resolución definitiva de concesión.

Descarga dos modelos, ou tramitación electrónica:

Documentación que teredes que recopilar para a presentación:

CO300C – IMPLANTACIÓN E PULO DA ESTRATEXIA DIXITAL E MODERNIZACIÓN DO SECTOR COMERCIAL E ARTESANAL

Obxecto
Regular as bases polas que se rexerá a concesión de subvencións da Vicepresidencia Segunda e Consellería de Economía, Empresa e Innovación, para a implantación e pulo da estratexia dixital e modernización do sector comercial e artesán neste contexto de incerteza dunha nova realidade xurdida pola pandemia, determinada polo incremento do comercio electrónico e doutras canles de comercialización como son as redes sociais,  que vén imposta polos novos hábitos de consumo.

Orzamento
Destinaranse 5.000.000,00 € que poderase incrementar en función das solicitudes presentadas e de acordo coa dispoñibilidade de crédito.

Beneficiarias
Persoas físicas ou xurídicas, comunidades de bens ou calquera outro tipo de unidade económica ou patrimonio separado sen personalidade xurídica, legalmente constituídas, que en todo caso cumpran, ademais, os seguintes requisitos:

1. Comerciantes retallistas:
• Desenvolver a súa actividade comercial en Galicia, con domicilio social na Comunidade Autónoma e cumpran os requisitos establecidos legalmente para exercer a actividade. No caso de comerciantes que realicen a actividade comercial en liña, deberán ter o domicilio social na Comunidade Autónoma de Galicia.

• Ter a condición de peme, empregando menos de vinte traballadores e non ter a consideración de grande establecemento comercial segundo a normativa aplicable.

• Que estean dados de alta e constitúan a actividade principal nalgunhas dos seguintes epígrafes do IAE:

– 641. Comercio polo miúdo de froitas, verduras, hortalizas e tubérculos.
– 642. Comercio polo miúdo de carnes e miúdos; de produtos derivados cárnicos elaborados: de ovos, aves, coellos de granxa, caza; e de produtos derivados deles.
– 643. Comercio polo miúdo de peixes e doutros produtos da pesca e da acuicultura e caracois.
– 644. Comercio polo miúdo de pan, pastelaría, confeitaría e similares, e de leite e produtos lácteos.
– 645. Comercio polo miúdo de viños e bebidas de todas clases.
– 647. Comercio polo miúdo de produtos alimenticios e bebidas en xeral (agás 647.4 e 647.5).
– 651. Comercio polo miúdo de produtos téxtiles, confección, calzado, peles e artigos de coiro.
– 652. Comercio polo miúdo de medicamentos, artigos de drogaría e limpeza, perfumaría e cosméticos (agás 652.1).
– 653. Comercio polo miúdo de artigos para o equipamento do fogar e a construción (agás 653.4).
– 656. Comercio polo miúdo de bens usados tales como mobles, artigos e útiles ordinarios de uso doméstico.
– 657. Comercio polo miúdo de instrumentos musicais en xeral, así como dos seus accesorios.
– 659. Outro comercio polo miúdo.
– 665. Actividades empresariais de comercio realizadas fóra do establecemento permanente: «comercio retallista por correo ou catálogo». No caso de comercio en liña, non será subvencionable a comercialización en liña de produtos ou servizos non comprendidos no ámbito de aplicación da Lei 13/2010, do 17 de decembro, do comercio interior de Galicia.

Ou tamén se actividade principal é un dos seguintes epígrafes, sempre que esteam dados de alta nalgunha actividade comercial relacionada cos anteriores:
– 255.2. Fabricante de xabóns de toucador e produtos de perfumaría.
– 253.6. Fabricante de aceites esenciais e substancias aromáticas.
– 41. Industria de produción de produtos alimenticios.
– 421. Industria de cacao, chocolate e produtos de confeitaría.
– 43. Industria téxtil.

– 44. Industria do coiro.
– 45. Industria do calzado e vestido e outras confeccións téxtiles.

• Desenvolver a actividade comercial nun establecemento comercial cunha superficie de exposición e venda igual ou inferior a 300 metros cadrados, agás que a actividade comercial se encadre na epígrafe 653.1 do IAE.

2. Obradoiros artesáns:
• Estar inscritos no Rexistro Xeral de Artesanía de Galicia. En caso de novos obradoiros, terán de prazo ata o último día de prazo para a presentación de solicitudes para solicitar a inscrición no dito rexistro.

Non poderán ser beneficiarias destas axudas as empresas en crise.

Actividades subvencionables

Cóntase cunha liña de dixitalización comercial e outra para a adquisición de equipamentos propios da actividade comercial e artesanal. En ningún caso o custo da adquisición dos gastos subvencionables poderá ser superior ao valor de mercado.
O solicitante poderá solicitar o pagamento anticipado, previo á xustificación, como financiamento necesario para poder levar a cabo as actuacións inherentes á subvención, de ata un 50 % da subvención concedida, coa obriga de constituír garantía no caso de subvencións superiores a 18.000,00 euros.

DIXITALIZACIÓN COMERCIAL
A porcentaxe de subvención será o 80 % dos investimentos máximos subvencionables, que será de 26.300,00 € (IVE excluído) no conxunto das actuacións. Considéranse actuacións subvencionables para comerciantes retallistas e titulares de obradoiros artesáns:

• Pulo á transformación dixital: implantación e actualización de páxinas web con venda en liña e implantación e actualización de webs comerciais.

Cuantía da axuda:

– Para a implantación de páxinas web con venda en liña, 4.000,00 € (IVE excluído).

– Para a implantación de páxina web, 1.000,00 € (IVE excluído).
– Para a actualización de páxina web, 800,00 € (IVE excluído).

Non será compatible a solicitude de actuacións de implantación de páxinas web coas de mellora.

• Optimización e axilización dos procesos comerciais: implantación de ferramentas de xestión e de sistemas integrados para a planificación de recursos empresariais comerciais e de software adecuados ás necesidades da empresa, así como as tabletas asociadas con esta actuación.

Cuantía da axuda:
– Para a implantación de ferramentas de xestión, 3.000,00 € (IVE excluído)
– Para as tabletas o investimento máximo subvencionable é de 300 € (IVE excluído).

• Actuacións de comunicación, publicidade e ferramentas de marketing 4.0, na internet ou utilizando novas tecnoloxías.

Cuantía da axuda:
Para as actuacións de comunicación, publicidade e marketing 4.0 en internet ou utilizando novas tecnoloxías, 16.000,00 € (IVE excluído) para o conxunto de todas as actuacións, cos seguintes límites:
 – Actuacións de mellora de imaxe comercial dixital, 4.000,00 € e publicidade en medios dixitais, 2.000,00 € (IVE excluído).
 – Marketing 4.0 en internet ou utilizando novas tecnoloxías, 6.000,00 €.
 – Servizos profesionais de xestión de redes sociais (community manager), 4.000,00 € (IVE excluído).

• Actuacións de comercialización dixital: participación en eventos efémeros ou feiras dixitais, de carácter comercial ou artesanal, nacionais ou estranxeiros.

Cuantía da axuda:
Para a participación en eventos efémeros ou feiras dixitais, 1.000,00 € (IVE excluído).

• Loxística e-commerce: gastos loxísticos e de transporte de envíos en liña ao domicilio ou punto de entrega da persoa consumidora, realizados por un operador loxístico externo.

Cuantía da axuda:
O investimento máximo será de 1.000,00 € (IVE excluído).

• Loxística e-commerce sustentable no quilómetro cero: gastos loxísticos e de transporte de envíos en liña ao domicilio ou punto de entrega da persoa consumidora, realizados no quilómetro cero, con transporte sustentable (eléctrico/bicicleta).

Cuantía da axuda:
O investimento máximo será de 1.000,00 € (IVE excluído).

EQUIPAMENTOS
Considéranse actuacións subvencionables a adquisición, en réxime de propiedade, de equipamentos propios da actividade comercial e artesanal, que deberán ser en todo caso de primeiro uso, en concreto:
 – Maquinaria
 – Ferramentas ou equipamento auxiliar, de fabricación externa cualificada, directamente relacionada coa actividade comercial ou artesanal
 – Maquinaria, ferramentas ou equipamento auxiliar, de fabricación externa cualificada, directamente relacionada coa actividade comercial ou artesanal, que melloren o deseño e calidade do produto final.

Para o conxunto destas actuacións o investimento máximo subvencionable será de 10.000,00 € (IVE excluído) e a porcentaxe de subvención será o 80 %.

Non se consideran gastos subvencionables:
– A adquisición de ordenadores, dispositivos móbiles, televisores, reprodutores de son e imaxe e terminais ou lectores de TPV.
– A adquisición de maquinaria propia de procesos industriais, no caso de artesáns e a adquisición de maquinaria e instrumentos propios de servizos profesionais.
– A adquisición de materia prima da actividade artesanal.
– Os investimentos destinados a locais para uso da actividade artesanal.
– Os impostos indirectos cando sexan susceptibles de recuperación ou compensación nin os impostos persoais sobre a renda.

Solicitudes
As solicitudes presentaranse obrigatoriamente por medios electrónicos, a través do formulario normalizado dispoñible na sede electrónica da Xunta de Galicia, https://sede.xunta.gal, dentro do prazo dun mes contado a partir do día seguinte ao da publicación da orde no Diario Oficial de Galicia.

BONOS ACTIVA TUI

CARACTERÍSTICAS DA INICIATIVA “ACTIVA TUI”

Facilitarase de forma gratuíta, un bono de compras por persoa solicitante, por valor de 10€, a aquelas persoas que teñan 16 anos ou máis, para a súa utilización en establecementos dos sectores comercio, hostalería e servizos do municipio adheridos previamente a esta iniciativa.

Os bonos serán nominativos mediante un código  alfanumérico QR, asociado ao DNI/NIE de cada persoa. Trátase dun cupón cun código QR que poderá adquirir de maneira gratuíta a través da páxina https://activa.tui.gal/activa-tui/#section-client. Estes bonos terán un valor de 10,00€, para utilizar como desconto en compras superiores a 25,00€.

Establecese un máximo de 2 bonos por persoa, e cada bono será utilizado integramente nunha soa compra.

Non se poderán trocar bonos do propio titular, dos seus familiares de primeiro grao e das persoas traballadoras da empresa no propio establecemento.

CONDICIÓNS DE PARTICIPACIÓN DOS ESTABLECEMENTOS

Os requisitos que deberán cumprir os establecementos para poder adherirse á iniciativa e ser subvencionados a través destes bonos serán os seguintes:

a) Que se trate dunha actividade que se estea a desenvolver actualmente nun establecemento aberto ao público e situado en Tui.

b) Que se trate dunha actividade de hostalería ou restauración, concretamente bares, restaurantes e cafeterías, ou ben unha actividade comercial de comercio polo miúdo ou servizos, a excepción das actividades incluídas nos seguintes códigos CNAE:

 – CNAE 472 Comercio ó por menor de produtos alimenticios, bebidas e tabaco en establecementos especializados
– CNAE 473. Comercio polo miúdo de combustible para a automoción en establecementos especializados.
– CNAE 9200. Actividades de xogos de azar e apostas.
– CNAE 4773. Comercio ó por menor de produtos farmacéuticos en establecementos especializados.

Os bonos ACTIVA TUI non poderán ser utilizados para o desconto na adquisición ou consumo dos seguintes produtos:

• Produtos de alimentación (sen que por estes se entendan os que se preparen en restaurantes, bares, cafeterías ou similares).
• Tabaco ou produtos para a súa manipulación ou consumo en calquera do seus estados de comercialización.
• Alcol ou combinacións de bebidas con alcol en calquera dos seus estados de comercialización.
• Combustibles en calquera dos seus estados de comercialización.

c) Non ser filial de grandes firmas, cadeas comerciais, franquías ou empresas de implantación nacional ou internacional con máis de 10 persoas traballadoras.

d) Estar ao corrente no cumprimento das obrigas tributarias fronte á Seguridade Social, Axencia Tributaria estatal, Axencia Tributaria da Comunidade Autónoma e Concello de Tui.

ADHESIÓN DOS ESTABLECEMENTOS Á INICIATIVA E SOLICITUDE DE AXUDA

Para que os establecementos se adhiran a esta iniciativa deberán acceder a páxina https://activa.tui.gal/activa-tui/#section-business e realizar o rexistro a través do formulario habilitado https://activa.tui.gal/activa-tui/business

As solicitudes de adhesión poderán presentarse a partir do día 13/01/2021 ata o 28/01/2021.

OBLIGACIÓNS DO ESTABLECEMENTO ADHERIDO

Verificar no momento da venta o bono, ben descargado nun dispositivo móvil ou impreso xunto co DNI/NIE do cliente para comprobar que o bono está asociado a ese DNI/NIE.
No momento da venta, e en tempo real o establecemento beneficiario da convocatoria, introducirá o código do bono na plataforma web de xestión para comprobar a súa validez, xunto co número de ticket de venta da operación, fecha e importe da venta, entre outros.

No caso de que a plataforma admita ese bono, o establecemento aplicará o desconto ó cliente, gardando copia do ticket de venta xunto co bono, no caso de que fora impreso, entregado polo cliente para a súa xustificación e posterior canxe. No suposto de presentación do bono mediante dispositivo móvil o establecemento deberá gardar copia do ticket ou factura.

Recibir e colocar os materiais informativos da campaña “ACTIVA TUI”, nun lugar visible do establecemento. Esta información será facilitada polo Concello. A dita documentación consistirá en:
• Bases da iniciativa.
• Cartel/ adhesivo de identificación da mesma.

Os establecementos participantes están obrigados a solicitar o DNI/NIE da persoa consumidora verificando a coincidencia entre o bono e o DNI/NIE.

No caso de devolucións de produtos adquiridos con bono desconto, non se procederá ao reintegro do importe en metálico, se non que se deberá entregar un vale a trocar para futuras compras.

SOLICITUDE E OBTENCIÓN DOS BONOS “ACTIVA TUI” POR PARTE DAS
PERSOAS INTERESADAS

Os bonos poderanse solicitar do 1 de febreiro ao 30 de marzo de 2021 ou ata que o presuposto se esgote.

Poderán solicitar e obter os bonos de maneira gratuíta, as persoas que teñan 16 anos ou máis , a través da páxina https://activa.tui.gal/activa-tui/client

Os bonos “ACTIVA TUI”, serán remitidos a persoa solicitante a través do correo electrónico facilitado. O bono enviado deberá presentarse
descargado correctamente nun dispositivo móbil ou debidamente impreso, no establecemento adherido á convocatoria no que se desexe trocar.

Os bonos son persoais e intransferibles xa que van asociados a un DNI.

De forma excepcional, para aquelas persoas que por determinadas circunstancias e que non dispoñan de outros medios para obter o bono, descargado nun dispositivo móbil ou impreso, habilitaranse puntos de recollida de bono impreso nas instalacións municipais mediante cita
previa nos teléfonos que se publicarán na plataforma web www.tui.gal.

UTILIZACIÓN DOS BONOS “ACTIVA TUI”

As persoas que recibiran os bonos poderán utilizalos dende a súa recepción ata o 30 de marzo de 2021 incluído ou ata rematar o número total de bonos si esta fora anterior.

Por cada compra superior a 25,00€ poderase descontar un bono por valor de 10,00 €. Non se poderá trocar máis dun bono por compra.

Para alcanzar o máximo número de establecementos, en cada establecemento adherido a esta campaña poderase recibir un máximo de 100 bonos. No momento en que o comercio reciba 100 bonos, retiraranse os materiais de información da campaña e non se poderán recibir máis bonos da cidadanía.

XUSTIFICACIÓN DA SUBVENCIÓN E PROCEDEMENTO DE PAGO

Para a xustificación da subvención, os establecementos deberan introducir na aplicación habilitada o código QR do bono aplicado e o ticket de compra sobre o que se aplica o desconto, mediante ordenador, móvil ou por escaneado do código QR no momento da compra.

É moi importante que se introduza o código do bono no mesmo momento da compra para que o bono quede asignado a ese establecemento e automaticamente invalidado.
No prazo máximo de 30 días desde a presentación da xustificación e tras a oportuna comprobación dos tickets cos seus correspondentes bonos, realizarase o reintegro dos descontos realizados na conta bancaria facilitada. A data máxima de xustificación será o día 5 de abril de 2021 incluído.

A non presentación en prazo da xustificación económica da axuda significará a súa desestimación.

A concesión e o pago da subvención realizaranse previa presentación da documentación xustificativa.

O pago ingresarase na conta bancaria facilitada polo establecemento adherido no prazo máximo de 1 mes dende a presentación correcta da xustificación.

http://tui.gal/gl/novas/o-concello-de-tui-destina-50-mil-euros-en-bonos-de-compra-para-reactivacion-da-economia-local?fbclid=IwAR39aRCn03bg-lz9jSmhzeZXMFKFWxAYmsacc2LgY4CqKYVFYWbPZ_S5HP0